तुळजापूर प्रतिनिधी
श्री तुळजाभवानी मंदिर संस्थान संचलित श्री तुळजाभवानी अभियांत्रिकी महाविद्यालयात शुक्रवारी अंतर्गत तक्रार निवारण समितीमार्फत आंतरराष्ट्रीय महिला हिंसाचार निर्मूलन दिन साजरा करण्यात आला. या कार्यक्रमाच्या अध्यक्षस्थानी तुळजापूर न्यायालयातील दिवाणी सहन्यायाधीश पी.एस.जी. चाळकर या होत्या तर प्रमुख अतिथी म्हणून तालुका विधीतज्ञ मंडळाचे अध्यक्ष अँड.दत्तात्रय घोडके ,अँड. संगीता कोळेकर,अँड. विश्वास डोईफोडे ,अँड. सदानंद आलुरकर , अँड. सुरेश कुलकर्णी हे उपस्थित होते. प्रारंभी तुळजाभवानी प्रतिमेचे पूजन करण्यात आले. यानंतर प्राचार्य रवी मुदकन्ना यांनी महाविद्यालयाच्यावतीने सर्वांचे स्वागत केले. प्रास्ताविकेत छाया घाडगे यांनी आंतरराष्ट्रीय महिला हिंसाचार निर्मूलनदिन याची माहिती सांगून त्याचा उद्देश विशद केला.
अध्यक्षीय भाषणात दिवाणी सहन्यायाधीश चाळकर यांनी भारतीय संविधानात महिलांच्या संरक्षणासाठी कशाप्रकारे कायदा केला आहे याची माहिती महिलांना होणे गरजेचे आहे समाजात महिलावर होणारे अत्याचार लैंगिक छळ छेडछाड मारहाण असे प्रकार या विषयावर सविस्तर मार्गदर्शन करून यासाठी महिला हिंसाचार रोखण्यासाठी कोणता कायदा आहे याची सविस्तर माहिती दिली.
यानंतर महाविद्यालयातील किरण शिंदे ,शिवलंग चौधरी, वैष्णवी जाधव, आकांक्षा गायकवाड या विद्यार्थ्यांनी आपले विचार व्यक्त करून महिला बद्दल आजच्या पिढीने आदर राखणे गरजेचे आहे असे सांगितले . अँड.संगीता कोळेकर यांनी समाजात महिलांना कशाप्रकारे वागणूक दिली जाते ही दिली जाणारी वागणुक बदलण्याचे काम युवक वर्गात आहे यासाठी त्यांनी प्रयत्न करावेत असे आवाहन केले.अँड. दत्तात्रय घोडके यांनी अभियांत्रिकी क्षेत्रातील विद्यार्थ्यांना त्यांच्यासंबंधी कायद्याची माहिती असणे गरजेचे आहे असे सांगितले .अँड. विश्वास डोईफोडे यांनी महिला हिंसाचार कायदेविषयक सविस्तर सांगणे या कमी वेळात शक्य नाही यावर एक दिवस सविस्तर व्याख्यानाचे आयोजन करू असे सांगितले.
कार्यक्रमाचे सूत्रसंचालन व आभार वैष्णवी भट या विद्यार्थिनींनी केले यावेळी सर्व विभागप्रमुख प्राध्यापक प्रबंधक कर्मचारी व विद्यार्थी विद्यार्थिनी हे मोठ्या संख्येने उपस्थित होते. या कार्यक्रमास महाविद्यालयातील विद्यार्थी विद्यार्थिनींनी उत्स्फूर्त प्रतिसाद दिल्याबद्दल अँड. डोईफोडे यांनी महाविद्यालयाचे कौतुक केले.
