तुळजापूर प्रतिनिधी
तुळजापूर शहरातील वाढत्या चोरांचे प्रमाण बोकाळलेले अवैध धंदे बंद करण्याबाबत महाविकास आघाडीच्या वतीने तुळजापूर पोलीस निरीक्षक यांना मंगळवार दि 21 रोजी निवेदन देण्यात आले.
गेल्या २-३ महिन्यापासुन चो-यांचे प्रमाण वाढले असुन दिवसा ढवळ्या घरफोडी, रस्त्यावर महिलेच्या गळ्यातील दागिणे पळवुन नेणे असे अनेक प्रचंड प्रमाणात घटना होत असुन तुळजापुर शहरामध्ये गुन्हेगारीचे प्रमाण वाढतच चालले असुन यामुळे सर्वसामान्य जनता व येणारे भाविक हे भयभित झाले असुन या प्रकरणा वरती पोलीस प्रशासनाकडून कुठलीही ठोस कारवाई झालेली दिसुन येत नाही. विशेषतः शहरातील सर्वच बाजुच्या बाहेरील भागात शस्त्रांचे धाक दाखवुन घरफोडी केली जात आहे. तुळजापुर शहरात प्रत्येक चौकाचौकात सीसीटीव्ही कॅमेरा असुनही आपण दुर्लक्ष करत आहात याची खंत वाटते.
तुळजापुर शहर हे महाराष्ट्राची कुलस्वामिनी आई तुळजाभवानीची पावन नगरी आहे याठिकाणी अशा चो-यांचे व दरोड्यांच्या घटनेमुळे तुळजापुर शहराचे नाव बदनाम होत आहे. तसेच तुळजापुर शहरात गेल्या महिन्यापासुन घरफोडी, रस्त्यावर लुट, महिलांच्या गळ्यातील दागिणे हिसकावुन घेणे, शस्त्र दाखवुन लुटणे अशा घटना घडत आहेत. तसेच तुळजापुर शहरात अवैध धंदे, ड्रग्स नशेली पदार्थांची विक्री होत असुन त्यामुळे गंभीर स्वरुपाचे गुन्हे घडत आहेत व वरचेवर ड्रग्स नशेली पदार्थांची वाढ होत आहे. यामुळे शहरातील नागरिक व येणारे भक्त हैराण झाले आहेत.
निवेदनाचा विचार करुन तुळजापुर मध्ये येणारे लाखो भाविकांना व तुळजापुर शहरातील नागरिकांवर होत असलेल्या अन्याय दुर करुन वरील सुविधा तात्काळ चालु करण्यात याव्या हि विनंती, नसता नाविलाजास्तव तुळजापुर महाविकास आघाडी व सर्व घटक पक्षाच्या वतीने तीव्र आंदोलन छेडण्यात येईल असा इशारा निवेदनाद्वारे महाविकास आघाडीच्या वतीने देण्यात आला.यावेळी अमोल कुतवळ, अमर भैया मगर, शाम पवार, भाऊ भांजी, अक्षय कदम ,नरेश पेंदे, भरत जाधव, नवनाथ जगताप, बबन गावडे, सुधीर कदम, शंतनु कुतवळ, बाळासाहेब मुळे, अभिमान सगट, विकास भोसले, बापूसाहेब नाईकवाडी, सुदर्शन वाघमारे, चंद्रकांत साळुंखे, तसेच महाविकास आघाडी शहरातील सर्व पदाधिकारी कार्यकर्ते नागरिक मोठ्या संख्येने उपस्थित होते.
