तुळजापूर प्रतिनिधी
देवराज मित्र मंडळाचे अध्यक्ष कृष्णा देवानंद रोचकरी येणाऱ्या नगरपरिषद निवडणुकीत भारतीय जनता पक्षाकडूनच नगराध्यक्ष पदासाठी निवडणूक लढविणार अशी माहिती भारतीय जनता पार्टीचे जिल्हा उपाध्यक्ष देवानंद रोचकरी यांनी रविवार दिनांक 19 रोजी आयोजित केलेल्या पत्रकार परिषदेत आपली भूमिका स्पष्ट केली. यावेळी कृष्णा रोचकरी,गणेश रोचकरी, राजाभाऊ टोले, बाळासाहेब भोसले, अविनाश रसाळ, विशाल रोचकरी उपस्थित होते.
रोचकरी यांनी पुढे बोलताना माहिती दिली की पंधरा वर्षांपूर्वी मी नगराध्यक्ष असताना शहराच्या विकासासाठी शासनाकडे सहाशे कोटीचे मागणी केली होती पण शासनाने 360 कोटी मदत जाहीर केली पण मागील पंधरा वर्षांमध्ये 360 कोटीचे काय झाले व किती काम झाले हे सर्व शहराला माहित आहे अनेक कामे अर्धवट आहेत. येणाऱ्या नगरपरिषद निवडणुकीत आम्ही भाजप तर्फेच निवडणूक लढविणार असून कृष्णा रोचकरी याला नगराध्यक्ष पदासाठी पक्षश्रेष्ठीकडे मागणी करणार आहोत पक्षश्रेष्ठी आदेशानुसार आपली भूमिका पार पाडू. सध्या सत्ताधाऱ्यांना असे वाटत आहे की शहरात आम्हाला विरोधक नाही पण त्यांचे भ्रम आहे. यावेळेस पत्रकारांनी आपण शिंदे गटांमध्ये जाणार आहोत असे विचारले असता मी कुठेही जाणार नाही. मी भाजपमध्येच राहणार आहे व भाजपच्या कमळ चिन्हावरच कृष्णा रोचकरी यांना नगराध्यक्ष पदाची उमेदवारी वरिष्ठ नेत्याकडे मागणी करणार असे म्हणाले.
मंदिर संस्थांचा कारभार हा चुकीचा पद्धतीने चालू असून अभिषेक पास ऑनलाइन बंद करून पहिली पद्धत चालू करावे कारण ग्रामीण भागातील लोकांना ऑनलाईन बुकिंग च अधिक प्रमाणात वापर करता येत नाही. कृष्णा रोचकरी यांनी नगरपरिषदेच्या कारभारावर नाराजी व्यक्त केली असून सध्या भवानी रोडवर पथदिवे बसविण्याचे काम चालू असून नगर परिषदेमधील होत असलेल्या भ्रष्टाचारावर प्रश्न उपस्थित केले! याप्रसंगी तालुक्यातील ग्रामीण भागातील देवराज मित्र मंडळाचे पदाधिकारी व कार्यकर्ते मोठ्या संख्येने उपस्थित होते.
