तुळजापूर प्रतिनिधी
तुळजापूर तालुक्यातील खंडाळा येथील सुभेदार अरुण भागवत पवार हे देशरक्षणार्थ विविध ठिकाणी कर्तव्य बजावल्यानंतर भारतीय सैन्य दलातून २८ वर्षाची सेवा करून सेवानिवृत्त झाल्यानिमित्त ग्रामस्थांनी गौरव सोहळा घेत त्यांचा सत्कार केला. तसेच गावातून ढोल ताशे व बॅन्ड पथकाच्या गजरात भव्य मिरवणूक काढून ग्रामस्थांच्या वतीने त्यांना शुभेच्छा देण्यात आल्या. सुभेदार अरुण पवार हे हे भारतीय सैन्य दलात कार्यरत होते. ३१ जानेवारी रोजी ते उधमपूर येथे सेवानिवृत्त झाले. २ फेब्रुवारी रोजी ते आपल्या मूळ गावी खंडाळा येथे येणार असल्याने गावकऱ्यांनी त्यांच्या स्वागताची जय्यत तयारी केली होती. खंडाळा येथे आगमन होताच शिवशंकर तरुण मंडळ, गावातील नागरीक, व्यावसायीक, शाळा , ग्रा.पं.कार्यालय, विविध संघटना,अधिकारी पदाधिकारी यांनी त्यांचे शाल, श्रीफळ व पुष्पहाराने स्वागत केले. तेथुन ढोल, ताशे व बँड पथकाच्या गजरात राष्ट्रभक्तीपर गीतांच्या निनादात त्यांच्या राहत्या घरापर्यंत वाजत, गाजत मिरवणुक काढण्यात आली. गल्लोगल्ली गावातील महिलांनी रांगोळी काढुन औक्षण करीत स्वागत केले. याच कार्यक्रमा दरम्यान ग्रामस्थांच्या वतीने त्यांचा भव्य असा नागरी सपत्नीक असा सत्कार करण्यात आला त्याच बरोबर खंडाळा गावातील आजी माजी सैनिकांचा देखील यावेळी शाल,श्रीफळ व पुष्पहार देवुन सत्कार करण्यात.
कार्यक्रमाचे सूत्र संचालन अंकुश पवार गुरुजी यांनी केले तर आभार नितीन ढवण यांनी मानले कार्यक्रमाच्या यशस्वीेतेसाठी समस्थ ग्रामस्थ व शिवशंकर तरुण मंडळाच्या सदस्यांनी प्रयत्न. केले
