धाराशिव सायबर पोलीसांची दमदार कामगिरी
ऑनलाईन आर्थिक फसवणुकीतील 4,49,252 रुपये फिर्यादीस परत
धाराशिव प्रतिनिधी
सायबर पोलीस ठाणे :तक्रारदार नामे- सुलतान अझहर पटेल, वय 26 वर्षे, रा. धाराशिव यांना दि.25.10.2024 रोजी त्यांचे मोबाईलवर अनोळखी इसमाने फोन करुन तो ICICI या बॅकेतुन बोलत असल्याचे सांगून तक्रारदार यांचे क्रेडीट कार्ड ॲक्टीवेट करण्यासाठी मोबाईलवर ओटीपी येईल असे सांगून तक्रारदार यांचे कडून तीनवेळा ओटीपी घेतला. त्यावेळी तक्रारदार यांच्या क्रेडीट कार्डवर अनुक्रमे 96,092₹, 88,290₹ व 2,64,870₹ असे तीन ट्रान्झक्शन झाल्याचे मेसेज आले. सदरवेळी तक्रारदार यांनी सदर इसमास पैसे कट झालेबाबत विचारणा केली असता त्याने उडवाडवीची उत्तरे दिली म्हणून तक्रारदार यांना संशय आल्याने ते तात्काळ सायबर पोलीस ठाणे, धाराशिव येथे आले. सदरवेळी सायबर पोलीसांनी तात्काळ तक्रारदार यांची ऑनलाईन तक्रार नोंदवून तांत्रिक विश्लेषण केले असता तक्रारदार यांच्या क्रेडीट कार्डद्वारे ॲमेझॉनवर खरेदी केल्याचे निष्पन्न झाले. त्यानंतर तात्काळ ॲमेझॉन कंपनीला इमेल करुन नोडल अधिकारी यांचेशी संपूर्क करुन यातील तक्रारदाराच्या क्रेडीट कार्डवर केलेली खरेदीचा ऑर्डर रद्द करुन तक्रारदार यांची गेलेली संपुर्ण रक्कम 4,49,252 ₹ परत करण्यात धाराशिव सायबर पोलीसांना यश आले आहे.
सदरची कामगिरी ही मा. पोलीस अधीक्षक श्री.संजय जाधव, मा. अपर पोलीस अधीक्षक श्री. गौहर हसन यांच्या मार्गदर्शनाखाली सायबर पोलीस ठाण्याचे पोलीस निरीक्षक सचिन यादव, सहाय्यक पोलीस निरीक्षक सुरेश कासुळे, पोलीस हावलदार- हालसे, नाईकवाडी, महिला पोलीस नाईक- पौळ, पोलीस अमंलदार-जाधवर,भोसले, मोरे, भोसले, तिळगुळे, कदम, काझी, सुर्यवंशी, महिला पोलीस अमंलदार- खांडेकर, शेख यांच्या पथकाने केली आहे.
नागरिकांना आवाहन
सायबर पोलीस ठाणेच्या वतीने सर्व नागरिकांना आवाहन करण्यात येते की, कोणत्याही अनोळखी मोबाईल क्रमांकावरुन मेसेज/ लिंक/फोन/क्यू आर कोड आल्यास खात्री केल्याशिवाय आपल्या बॅक खात्याशी संबंधित कोणतीही माहिती व ओटीपी फोनद्वारे देव नये. किंवा लिंकवर क्लिक/क्यु आर कोड स्कॅन करुन नये. तसेच सायबर गुन्हा घडल्यास नागरिकांनी तात्काळ हेल्प लाईन क्र.1930 वर कॉल करुन सायबर गुन्ह्याची माहिती द्यावी किंवा www.cybercrime.gov.in या ऑनलाईन पोर्टलवर तक्रार नोंदवावी किंवा सायबर पोलीस ठाणे, धाराशिव येथे तात्काळ संपर्क करावा.
