मोठी बातमी! पोलीस भरती अर्जासाठी 15 डिसेंबर पर्यंत मुदत वाढ

संग्रहीत 

उस्मानाबाद प्रतिनिधी  

महाराष्ट्र पोलीस दलातील कॉन्स्टेबल पदाची रिक्त पदे भरण्यासाठी पोलीस महासंचालक कार्यालय, महाराष्ट्र राज्य, मुंबई यांच्यातर्फे दि. 06.11.2022 रोजी जाहिरात प्रसिध्द करण्यात आली असून आवेदन पत्र स्विकारण्याची अंतिम मुदत दि. 30.11.2022 निश्चित करण्यात आली होती.

आवेदनपत्र भरण्यात उमेदवारांना होत असलेल्या तांत्रिक अडचनींचे निराकरण व्हावे तसेच अधिकाधीक उमेदवारांना भरती प्रक्रीयेत सहभागी होता यावे या उद्देशाने आवेदनपत्रे दाखल करण्याची अंतिम मुदत दि. 15.12.2022 पर्यंत वाढवण्यात आली असल्याचे गृहविभाग, महाराष्ट्र शासन पत्र क्र. पोलीस- 1122/प्र.क्र.22 /पोल- 5अ दि. 29.11.2022 नुसार जाहिर करण्यात आले आहे.

पोलीस भरती प्रक्रियेत सहभागी होऊ इच्छिनाऱ्या उमेदवारांनी याची नोंद घ्यावी असे आवाहन मा. पोलीस अधीक्षक श्री. अतुल कुलकर्णी यांनी केले आहे.