पंडित दीनदयाल उपाध्याय रोजगार मेळाव्याचे आयोजन

तुळजापूर प्रतिनिधी 

जिल्हा कौशल्य विकास, रोजगार व उद्योजकता मार्गदर्शन केंद्र, मॉडेल करिअर सेंटर उस्मानाबाद आणि मुलभूत प्रशिक्षण तथा अनुषंगिक सुचना केंद्र, उस्मानाबाद (BTRI) आणि शासकिय औद्योगिक प्रशिक्षण संस्था, तुळजापूर याच्या संयुक्त विद्यमाने खाजगी क्षेत्रातील नामांकित उद्योजक / कंपनी यांचेकडील ४८१ पदे भरण्यासाठी उस्मानाबाद जिल्हयातील उमेदवारांकरिता दिनांक २८/१२/२०२२ रोजी  सकाळी 10 वाजता पंडित दीनदयाल उपाध्याय रोजगार मेळाव्याचे शासकीय औद्योगिक प्रशिक्षण संस्था नळदृर्ग रोड तुळजापूर (GOVT.ITI ) येथे आयोजन करण्यात आले आहे. पात्र व इच्छुक पुरुष व स्त्री उमेदवारांच्या मुलाखती घेउन निवड प्रकिया करणार आहेत.

वेतन व सुविधा हे पद व शैक्षणिक योग्यतेनुसार राहिल. याबाबत कंपनीचे अधिकारी मुलाखतीवेळी माहिती देतील. यावेळी आवश्यक ती कागदपत्रे म्हणजेच शैक्षणीक पात्रतेचे गुणपत्रक/प्रमाणपत्र, शाळा सोडल्याचा दाखला (टि.सी.), अनुभव असल्यास प्रमाणपत्र, एम्पलॉयमेंट रजिस्ट्रेशन, शैक्षणीक बायोडाटा, पासपोर्ट साईज फोटो, इ. कागदपत्राच्या झेरॉक्स कॉपीसह रोजगार मेळाव्याच्या ठिकाणी स्वखर्चाने हजर राहून जास्तीत जास्त उमेदवारांनी लाभ घ्यावा असे आवाहन प्राचार्य, शासकिय औद्योगिक प्रशिक्षण संस्था, तुळजापूर आणि सहाय्यक आयुक्त कौशल्य विकास रोजगार व उद्योजकता, उस्मानाबाद यांनी केले आहे.