तुळजापूर प्रतिनिधी
नळदुर्ग येथील तुळजाभवानी सहकारी साखर कारखाना हा गोकुळ शुगर इंडस्ट्रीज धोत्री यांना भाडेतत्त्वावर चालण्यास दिला आहे सन 2022 / 2023 तसेच 2023/ 2024 या गळीत हंगामातील शेतकऱ्यांचे उसाच्या थकीत बिल न दिल्याने दिनांक 8 जुलै रोजी तुळजापूर तहसील कार्यालय समोर उपोषण करण्यात येणार असल्याचे शिवसेना उद्धव बाळा साहेब ठाकरे गटाचे अमोल जाधव यांनी शासकीय विश्रामगृहात घेण्यात आलेल्या पत्रकार परिषदेत सांगितले.
तुळजापूर तालुक्यातील काक्रंबा, कुंभारी, मंगरूळ, मसला शिराढोण तसेच धाराशिव तालुक्यातील कनगरा, टाकळी सह अनेक गावातील शेतकऱ्यांनी या कारखान्यासाठी ऊस पाठवला होता मात्र शेतकऱ्यांच्या पाठवलेल्या उसाची बिले अद्याप पर्यंत दिली नसल्याने शेतकरी हवालदिल झाला असून मोठ्या आर्थिक संकटात सापडला आहे याबाबत दिनांक सात जून रोजी जिल्हाधिकारी यांना निवेदन देण्यात आले होते. तसेच दिनांक १९ जून रोजी तुळजापूर येथील जुन्या बस स्थानक चौकात रास्ता रोको आंदोलन देखील करण्यात आले होते असे जाधव यांनी बोलताना म्हणाले.
तसेच कारखान्याचे चार महिन्याचे कामगाराचे वेतन सुद्धा मिळाले नसल्याने कामगारांनाही देखील मोठ्या आर्थिक संकटास सामोरे जावे लागत असून त्यांच्यावर उपासमारीची वेळ आली आहे याबाबत कारखान्याने कामगारांची देणे तात्काळ देण्यात यावी अशी मागणी कारखान्याचे कामगार युनियनचे उपाध्यक्ष साहेबराव भिसे यांनी केले यावेळी कामगार युनियनचे कोषाध्यक्ष नारायण शिंदे व शेतकरी उपस्थित होते.
