युवा जलसंवर्धन अभियान कार्यक्रम - डॉ.नितिन पाटील
तुळजापूर प्रतिनिधी
येथील श्री स्वामी विवेकानंद शिक्षण संस्था कोल्हापूर संचलित तुळजाभवानी महाविद्यालय तुळजापूर येथे युनिसेफ , स्मार्ट रेडिओ तेरणा ९०.४ एफ एम ,रोटरी क्लब तुळजापूर व तुळजाभवानी महाविद्यालयाच्या ग्रीन क्लब यांच्या संयुक्त विद्यमाने युवा जलसंवर्धक अभियान राबविण्यात आले सदर प्रसंगी डॉ नितीन पाटील पाणि व माती व्यवस्थापन विभाग प्रमुख, डॉ बाबासाहेब आंबेडकर मराठवाडा विद्यापीठ छत्रपती संभाजी नगर उपकेंद्र परिसर धाराशिव यांनी वरील प्रतिपादन केले.
पुढे ते म्हणाले की,आज युवक व युवतिंचे पाणी बचतीचे आद्य कर्तव्य आहे, प्रत्येक वस्तुंच्या निर्मितीसाठी पाणी गरजेचे आहे आपल्या जिल्ह्यात सरासरीच्या ७०० मिली मीटर एवढा एकुण पाऊस पडतो, आपल्या घराच्या छतावर ७० हजार लिटर पाणी पडते पण हे पाणी साठवणे गरजेचे आहे, यासाठी जल जमीन, जंगल, जनावरे, जनसंख्या या पंचजकारांचा अर्थ समजून घेणे गरजेचे आहे,जमीनीची माती जपणे गरजेचे आहे, आपल्या कडे किमान ३३ टक्के जंगल असणे गरजेचे आहे, विशेष म्हणजे समुद्राच्या दिशेने जाणारे पाणी अडवणे आवश्यक असल्याचे मत यावेळी त्यांनी व्यक्त केले, अध्यक्षीय भाषणात महाविद्यालयाचे प्र प्राचार्य डॉ जीवन पवार म्हणाले की, वाढत्या लोकसंख्येच्या प्रमाणात पाण्याची गरज वाढत चालली आहे, युवकांनी या कामात पुढाकार घेणे गरजेचे आहे,कारण युवक हेच राष्ट्राची खरी उर्जा आहेत, युवकांच्या माध्यमातून निसर्ग संवर्धनासाठी शाश्वत काम होऊ शकते असा अनमोल संदेश त्यांनी यावेळी दिला.
यावेळी डॉ.विनोदकुमार वायचळ, जिल्हा समन्वयक युवा जलसंवर्धक अभियान, डॉ.व्ही व्ही माने , प्राचार्य तेरणा अभियांत्रिकी महाविद्यालय धाराशिव, प्रशांत अपराध, अध्यक्ष रोटरी क्लब तुळजापूर, संजॉय मैंदर्गे, स्टेशन हेड रेडिओ तेरणा, अभिजित कदम यांनी देखील उपस्थितांना मार्गदर्शन केले, यावेळी विद्यार्थ्यांना प्रमाणपत्र देखील वितरित करण्यात आले,कार्यक्रमाचा प्रारंभ महाराष्ट्र राज्य गीताने करण्यात आला तर समापन राष्ट्रगीताने करण्यात आले.सूत्रसंचालन डॉ आनंद मुळे यांनी तर आभार संतोष लोखंडे यांनी मानले.सदर प्रसंगी ग्रीन क्लब समन्वयक डॉ दयानंद हाके यांच्या सह सर्व शिक्षक तसेच सर्व विद्यार्थी व विद्यार्थिनी मोठ्या प्रमाणात उपस्थित होते.
