तुळजापूर प्रतिनिधी
सण, उत्सवाच्या काळात एसटी आणि रेल्वेत आरक्षण न मिळाल्याने अनेकांना खाजगी बसचा आधार घ्यावा लागतो. मात्र, खाजगी बस चालकांकडून तिकिट दरवाढीमुळे सामान्यांचे कंबरडे मोडले जाते. खाजगी ट्रॅव्हल्स टिकीट दरवाढ यावर नियंत्रण ठेवण्याबाबत आदमी पार्टी धाराशिव जिल्हा उपाध्यक्ष तथा सामाजिक कार्यकर्ते मधुकर शेळके यांनी जिल्हाधिकारी यांना तहसिलदार तुळजापूर यांच्या मार्फत निवेदन सादर केले आहे.
सणासुदीच्या व सुट्टीच्या कालावधीमध्ये जिल्ह्यातील नागरिकांना नातेवाईकांना मित्रांना त्याचप्रमाणे आपल्या कुटुंबासमवेत इतर गावी नातलगांना भेटण्यास जावे लागते . दिवाळी किंवा इतर सुट्ट्या च्या कालावधीचा फायदा घेऊन खाजगी ट्रॅव्हल्स वाले यांच्या तिकीट दरामध्ये मोठ्या प्रमाणात टिकीट दरवाढ करतात .
त्याचा आर्थिक फटका सर्वसामान्य नागरिकांना सहन करावा लागतो. प्रवासाचे इतर साधने या अनुषंगाने खाजगी ट्रॅव्हल्स मधून प्रवास करणाऱ्या नागरिकांची संख्या खूप मोठी आहे .सणासुदीच्या कालावधीमध्ये व सुट्ट्याच्या कालावधीमध्ये खाजगी ट्रॅव्हल्स तिकीट दरात दरवाढही शासकीय नियमाला धरून असावी व त्यावर प्रशासनाचे नियंत्रण असावे.
तसेच ट्रॅव्हल्स मध्ये स्वच्छता साफसफाई बाबत पण सुधारणा व्हाव्यात जेणेकरून नारिकांचा प्रवास आनंददाई होईल त्या अनुषंगाने प्रशासनाने यंत्रणा कार्यरत करण्यात यावी असे दिलेल्या निवेदनात नमूद केले आहे. यावर आम आदमी पार्टी जिल्हा उपाध्यक्ष तथा सामाजिक कार्यकर्ते मधुकर शेळके, आप चे शहर अध्यक्ष किरण यादव यांच्या स्वाक्षऱ्या आहेत.
