तुळजापूर प्रतिनिधी
श्री तुळजाभवानी मंदिर परिसरात दर्शनासाठी आलेल्या भाविकांची पर्स आणि मौल्यवान वस्तू चोरणाऱ्या महिलेला सुरक्षा विभागाच्या सतर्कतेमुळे रंगेहात पकडण्यात आले. तुळजापूर पोलिसांनी सदर महिलेला ताब्यात दिले आहे.
मंदिरात गर्दीचा फायदा घेत अनेकदा चोरटे सक्रिय होतात. मात्र, सुरक्षा विभाग आणि सीसीटीव्ही यंत्रणेमुळे चोरीच्या घटनांवर नियंत्रण ठेवण्यास मदत होत आहे. आज सकाळी दर्शन रांगेत एका महिलेच्या संशयास्पद हालचाली लक्षात आल्यानंतर सुरक्षा रक्षकांनी तिला अडवले. महिला मंदिर परिसरात भाविकांचे पर्स, मोबाईल चोरण्याचा प्रयत्न करत असताना रंगेहात पकडल्या गेल्या.
मागील काही दिवसांपासून मंदिर प्रशासनाची सुरक्षा यंत्रणा चोरीच्या घटना घडू नये यासाठी प्रयत्नशील आहे. याच सतर्कतेने या 2 महिलांना पकडून पोलिसांच्या ताब्यात देण्यात आले. यावेळी मंदिर संस्थानचे सुरक्षा निरीक्षक ऋषीकेष पाटील, सहाय्यक सुरक्षा निरीक्षक ऋषभ रेहपांडे, सुरक्षा पर्यवेक्षक योगेश फडके उपस्थित होते. या घटनेमुळे मंदिर परिसरातील भाविकांकडून सुरक्षा विभागाचे कौतुक होत आहे. मंदिर प्रशासनाने भाविकांना सावधानतेचा इशारा देत मौल्यवान वस्तूंची विशेष काळजी घेण्याचे आवाहन केले आहे.
