तुळजापूर प्रतिनिधी
अपार भक्ती आणि समर्पणाच्या भावनेतून ठाणे येथील एका भक्ताने श्री तुळजाभवानी मातेच्या चरणी तब्बल 540 ग्रॅम सोन्याचा मुकुट अर्पण केला. या भक्ताच्या कुटुंबियांची देवीवर नितांत श्रद्धा असून, त्यांच्या आस्थेने हा सुवर्णालंकार अर्पण करण्यात आला.
या मंगल प्रसंगी श्री तुळजाभवानी मंदिर संस्थान तर्फे भक्त कुटुंबीयांचा देवीची प्रतिमा आणि महावस्त्र देऊन सत्कार करण्यात आला. यावेळी सहाय्यक जनसंपर्क अधिकारी अभिजित तेरखेडेकर, सुरक्षा निरीक्षक ऋषीकेश पाटील, धार्मिक विभागाचे अमोल कर्डीले आणि इतर कर्मचारी उपस्थित होते.
