धाराशिव प्रतिनिधी
येथील रामकृष्ण परमहंस महाविद्यालयाच्या हिंदी संशोधन केंद्रात पीएच.डी. पूर्व मौखिकी मुलाखत यशस्वीरित्या पार पडली. लखनऊ येथील संशोधक उपेंद्र कुमार यांनी प्रसिद्ध हिंदी लेखिका नासिरा शर्मा यांच्या साहित्यावर आधारित समकालीन स्त्री संदर्भातील पीएच.डी. संशोधन प्रबंध सादर केला.
या वेळी मार्गदर्शक म्हणून डॉ. अशोक मर्डे उपस्थित होते. बाह्य परीक्षक म्हणून यशवंतराव चव्हाण महाविद्यालय तुळजापूर येथील हिंदी विभागप्रमुख डॉ. मुकुंद गायकवाड आणि अंतर्गत परीक्षक म्हणून डॉ. विनोदकुमार वायचळ (व्यंकटेश महाजन महाविद्यालय, धाराशिव) यांनी भूमिका बजावली.
या महत्त्वपूर्ण प्रसंगी संशोधन केंद्रप्रमुख डॉ. केशव क्षीरसागर, इंग्रजी विभागप्रमुख डॉ. सी. आर. दापके, प्रा. विवेकानंद चव्हाण, प्रा. श्रीमती कोरे रानुबाई, प्रा. कु. स्वाती देडे यांची विशेष उपस्थिती होती.
ही मौखिकी परीक्षा महाविद्यालयाचे प्र. प्राचार्य डॉ. संदीप देशमुख यांच्या मार्गदर्शनाखाली शांत आणि शिस्तबद्ध वातावरणात पार पडली. कार्यक्रमाचे आयोजन गुणवत्तापूर्ण संशोधन व शैक्षणिक प्रगल्भतेचे प्रतीक ठरले.
